今年聖誕係令我最有推動力去影聖誕裝飾既一年, 因為青衣城有SANRIO 50週年慶典, 有好多sanrio既公仔, 當然唔少得My favourite "HELLO KITTY" 啦....!!

 雖然明知weekend去會好多人, 但都無辦法, 因為唔想放工特登去麻! 我地大約6點鐘去到, 已經見到一大個蛇餅, 我地2個就快快去搵龍尾, 好彩條龍都行得幾快, 不過快極都排左個幾鐘, 多謝老公陪我排隊!! 一路排一路試機, 試setting。有好多一家大細都去影相, HELLO KITTY 既吸引力真係大!!

就到入場時我同老公就開始佈署點樣影, 係邊到開始影, 因為我地得十分鐘時限咋!

入場每人最少要捐$10作慈善用途!! 一入到場唔洗問一定先去hello kitty到狂影, 係o甘zip位, 因為真係勁多人, 又要同d細路爭位...哈哈...真羞家!!

成座都係hello kitty 黎架, 好.........靚呀!!

影完kitty之後就四圍影其他啦..!!

由於時間關係，已經唔理ｏ甘多構圖呀，光線等問題，影左先算！！

依個馬騮仔都好趣緻!!

好colorful, 我鐘意!!

影完曬d公仔最後就係影下d window display, 都好精緻, 不過已經開始趕人走啦...!!

十分鐘眨下眼就過左啦, 出左場之後我地上2樓影埋top shot!!

好鐘意依個kitty爸爸個造型！！

依個露天茶座都好靚呀！！

終於完成任務，好開心．．．！！

o甘快就結婚兩週年啦, 今年我地沒有上一年o甘多節目, 不過就食左一頓好豐富既晚餐。

早前同事介紹左一間和牛放題比我地, 所以我地特別唸左係依度慶祝我地既週年紀念, 果然無介紹錯, 物超所值呀..!!

佢有2個時段既, 6pm~8pm, 8pm~10pm， 其實我地個多星期之前已經打去book位，　可惜１７號既８～１０都已經滿曬，唯有book６～８啦，所以提早左少少放工，再一支箭飛去，去到已經六點半了。

一去到就有個刺身送啦，真係好鮮味，有三文魚又有鮮帶子！！

仲有沙律

仲送２隻大蝦，好有肉地，真係啖啖肉架！！

主角出場, 其實有好多不同味道既牛選擇!!

除左牛, 當然仲有雞, 羊, 海鮮, 豚肉, 瓜菜類

太子貝, 好好........味, 後悔只係叫左一碟!!
牛既種類好似有一口牛, 牛肋骨, 牛舌, 牛肋條！

食完真係飽到嘔，好滿足同好開心呀．．．．！！

老公，時間真係過得好快，與你生活了７３０天啦，我的感想是好安心，好幸福！雖然生活上並不是很多的多彩多姿，但你那骨子裡的幽默（我想只有我才看到）卻時常帶給我歡樂，依一年我們經歷了更多，令我們既感情更昇華！Everyday I Love You!!

今日早上9點多已起身, 因為要裝身化妝!! 心血來潮買左個假髮髻黎襯下, 所以又要多d時間準備!!

11點食過早餐就去青衣會合家姐坐順風車到伯達尼教堂。我地見d親友一個都未到, 當然趁機影返夠本啦。依個教堂可以比非教徒行禮, 真係好開心, 始終係教堂行禮真係grand好多, 神聖好多, 當然亦都貴好多啦…哈哈!!

新娘由佢爸爸陪伴進場 

一段經歷了10年既感情從依一刻起再加以升華了!!

 

我唸係佢地訂造既公仔, 個男仔又幾似我表弟wow, 特別係個髮型….見到對公仔又另我唸起我結婚當日係屯門公路飛走左對hello kitty….嗚嗚…!

行禮完畢之後我地先去牛奶公司食個tea, 再返酒店!! 去到酒店真係無咩好做, 都係左影右影…!!

 

佢地d婚紗相影得好靚呀…!!

 

特別鐘意依張, 好有味道!!

 

個backdrop 都 very good!! Grand!!

 

影完相, 唔知做咩好…

 

再去1881影相

 

返去酒店新娘都換左衫…準備cut cake啦!!

 

Cheer!

成個婚禮都好grand, 睇得出用左好多金錢同精神, it’s wonderful!!!

好耐無去影相啦, 上星期同老公去左鐵路博物館, 其實一直都知個度好多龍友影相架啦, 效果仲唔錯, 不過我地去當日天氣好焗, 所以我都無咩耐性, 影左個幾鐘就要閃了。好彩都有d見得下人既!!

星期五收到Rachel 送上一份特別的禮物。

LV pattern x Hello kittyy 花既 case

打開入面原本係一副麻雀


係金色閃閃架, 每隻都有hello kitty 個樣。

連d 骰同籌碼都有kitty個樣, 勁!!